lunes, 20 de marzo de 2017

Firma dun convenio co Consello de Contas


O reitor da Universidade de Santiago, Juan Viaño, e o conselleiro maior do Consello de Contas de Galicia, José Antonio Redondo, asinaron este luns un convenio de colaboración para regular as prácticas académicas externas do alumnado do máster universitario en Dirección e Xestión Contable e Financeira da USC.

Os estudantes dese posgrao, que coordina a profesora Sara Cantorna, poderán realizar así no Consello de Contas as súas prácticas curriculares, as extracurriculares ou ben as que conducen á elaboración dos traballos de fin de grao ou mestrado. Co convenio acórdase tamén que o Consello de Contas achegue os seus especialistas para a parte da docencia teórico-práctica especializada que fose precisa.

Noticia no Xornal da USC (20/03/2017)

No hay comentarios:

Publicar un comentario